Քննարկվում է Գերմանիայի կրթական ծրագրում Հայոց ցեղասպանության թեման ներառելու հարցը

(ԱՐՄԵՆՊՐԵՍ) Քննարկվում է Գերմանիայի կրթական ծրագրում Հայոց ցեղասպանության թեման ներառելու հարցը: Այս մասին «Արմենպրես»-ի հետ զրույցում նշեց Գերմանիայի Հայ դատի հանձնախմբի ղեկավար Անդո Ազնավուրյանը:

«Գերմանիայի դպրոցական դասագրքերում Հայոց ցեղասպանության հարցը լիարժեք ներկայացված չէ: Հիմա քննարկվում է, որ գերմանական կրթական ծրագրում այդ թեման ներառվի: Դա կնպաստի, որ Գերմանիայում ապրող տարբեր ազգերի ներկայացուցիչները, այդ թվում` թուրքերը, իմանան ճշմարտությունը, պատկերացում կազմեն, թե իրականում ինչ է տեղի ունեցել»,-ասաց Անտո Ազնավուրյանը:

Նրա խոսքով, Հայոց ցեղասպանության թեման դպրոցական ծրագրում ներառելու փորձ եղել է: Իրականացվել է պիլոտային ծրագիր մեկ նահանգում` Բրանդենբուրգում:

«Մենք ցանկանում ենք, որ այդ փորձը տարածվի ամբողջ Գերմանիայի տարածքում, բոլոր դպրոցների գրքերում ներառվի Հայոց ցեղասպանության թեման: Կարծում եմ, որ Գերմանիայի Բունդեսթագի կողմից Հայոց ցեղասպանության ճանաչման բանաձևի ընդունումը հավելյալ հող է նախապատրաստում նման ծրագրի համար»,-հավելեց Անտո Ազնավուրյանը:

Գերմանիայի Բունդեսթագը հունիսի 2-ին ընդունեց Հայոց ցեղասպանության ճանաչման բանաձևը, որն ունի «1915 և 1916 թվականներին հայերի և մյուս քրիստոնյա փոքրամասնությունների ցեղասպանության հիշատակի և ոգեկոչման մասին» անվանումը: Բանաձևն ընդունվեց ունենալով ընդամենը մեկ դեմ, մեկ ձեռնպահ ձայն: Ելույթ ունեցողները միաձայն ընդգծում էին անցյալի հետ առերեսման անհրաժեշտությունը, նաև` Հայաստանի և Թուրքիայի հաշտեցման գործընթացին նպաստելու մղումները: Բունդեսթագում բարձրաձայնվել է Օսմանյան Թուրքիայի ոճրագործության մասին` նշելով, որ Գերմանիայի քայլը ոչ թե հայց է և մեղադրանք, այլ խոնարհում զոհերի հիշատակի առջև:

Inclusion of Armenian Genocide in Germany’s educational program is being discussed

(ARMENPRESS) The inclusion of the Armenian Genocide subject in Germanys educational program in being discussed, Anto Aznavurian Head of the Armenian National Committee of Germany told ARMENPRESS.

“The Armenian Genocide is not fully presented in school books of Germany. Currently the inclusion of the subject is being discussed. This will contribute that representatives of different nations – including Turkish, living in Germany, will know the truth and will have a clear perception of what actually happened”, Aznavurian said. Aznavurian says similar attempt was made previously – a pilot program was implemented in the state of Brandenburg, Germany.

“We want this experience to expand throughout the entire Germany, and to include the Armenian Genocide in school books. I think the Bundestag”s adoption of the Armenian Genocide recognition resolution will contribute to this program”, Aznavurian added.

On June 2 the Bundestag adopted the “Remembrance and commemoration of the genocide of Armenians and other Christian minorities in 1915 and 1916” resolution.