Երեքշաբթի 28 Ապրիլին, ընկերվարական ԷՏԷՔ կուսակցութեան գրասենեակին մէջ տեղի ունեցաւ աշխատանքային նիստ ՀՅ Դաշնակցութեան Կիպրոսի Կոմիտէի եւ Հայ Դատի Յանձնախումբի անդամներէ բաղկացած պատուիրակութեան եւ ԷՏԷՔի Կեդրոնական Կոմիտէի անդամներու միջեւ:
Նիստին մասնակցեցան ԷՏԷՔի Կ.Կ-ի անդամ եւ Նախագահի Տեղակալ Կոստաս Էֆստաթիու ինչպէս նաեւ՝ իր Մամլոյ Պատասխանատուն:
Հայկական պատուիրակութեան մաս կը կազմէին ՀՅԴաշնակցութեան Կիպրոսի Կոմիտէի ներկայացուցիչ ընկ. Սիմոն Այնէճեան եւ Կոմիտէի անդամ ընկ. Յակոբ Մանուկեան ինչպէս նաեւ ՀՄԸՄ – ՀԵՄի վարչութեան ատենապետ ընկ. Յակոբ Գազանճեան:
Նիստի ընթացքին արծարծուեցան երկու կուսակցութիւններու յարաբերութիւնները ամրապնդելու անհրաժեշտութիւնը, ինչպէս նաեւ՝ ընկերվար միջագայնականի (Socialist International) մէջ գործակցելու միջոցներ:
Որոշուեցաւ մօտ օրէն կազմակերպել աշխատանքային հանդիպում, երկու կուսակցութիւններու երիտասարդական միութիւններու անդամներու միջեւ իսկ ամրան՝ կազմակերպել միացեալ ձեռնարկ:
