ՀՅԴ Բյուրոյի Հայ Դատի և քաղաքական հարցերի գրասենյակի պատասխանատու Կիրո Մանոյանն այսօր «Փաստարկ» մամուլի ակումբում լրագրողների հետ հանդիպման ընթացքում անդրադարձավ ԼՂ խնդրի շուրջ ձևավորված զարգացումներին:
Նրա խոսքով՝ ներկայումս միջնորդ պետությունների կողմից ճիգերը շատ են՝ ուղղված բանակցությունների վերսկսմանը, որովհետև ապրիլյան քառօրյա պատերազմից հետո տեղի ունեցած` Վիեննայի և մյուս հանդիպումներում անդրադարձ չի եղել հարցի բուն էությանը, հիմնական հարցերը վերաբերել են զինադադարի ռեժիմի ապահովմանը:
Մանոյանը նշեց նաև, որ Ադրբեջանի կողմից զինադադարի խախտումների նվազմանը նպաստել են նաև միջնորդների կողմից ճնշումները: «Ճնշումները կան, բայց հարցի կարգավորման հարցում նորություն չկա: Արծարծվող փաթեթը նույնն է, դրա մեջ նորություն չկա: Հիմնականում այն է, ինչ Մադրիդյան սկզբունքները, Կազանյանը, հիմա սկսեցին խոսել նաև Լավրովի փաստաթղթի մասին, բայց հիմնականում բոլորն էլ նույնն են` առաջարկվում է Ղարաբաղի կարգավիճակ՝ տարածքների դիմաց»,- ասաց Մանոյանը:
Ըստ նրա ՀՅԴ-ն սեպտեմբերի 2-ին հրապարակեց հայտարարություն, որին ոչ բոլոր լրատվամիջոցներն անդրադարձան: «Այնտեղ կրկնվում էր կուսակցության կեցվածքը, որը 2009 թվականից ի վեր այս հարցի մասին հրապարակվել է: Հիմնարար սկզբունքները կամ Մադրիդյան սկզբունքները հրապարակվել են այդ թվականի հուլիսին, և կուսակցությունը դրանց մասին իր տեսակետը հայտարարել է: Մենք հայտարարության մեջ անդրադառնում ենք նաև այն հարցին, որ ակնկալել, թե հայկական կողմը միակողմանի զիջումներ պետք է անի անորոշ ապագայի, ինչ-որ խոստումների դիմաց, լրիվ սխալ է: Առանց դիմացի կողմից որևէ բան ստանալու՝ հայտարարել, որ մենք պատրաստ ենք ինչ-որ քայլեր ձեռնարկել, նշանակում է` ինչ-որ բան տալ` առանց ոչինչ ստանալու»,- ասաց նա:
Մանոյանը նաև կարծիք հայտնեց, որ դժվար է ակնկալել, որ մինչև տարեվերջ բանակցային գործընթացում կարող է լինել լուրջ տեղաշարժ: «Ադրբեջանը կշարունակի իր ապակառուցողական դիրքորոշումը, և պետք չէ բացառել, որ Ադրբեջանի կողմից, ի նշան բողոքի, կլինեն հրադադարի ռեժիմի խախտման դեպքեր»,- ասաց բանախոսը:
ՀՅԴ Բյուրոյի Հայ Դատի և քաղաքական հարցերի գրասենյակի պատասխանատու Կիրո Մանոյանը կարծում է, որ ռուս-թուրքական հարաբերությունների բարելավմանն ուղված երկկողմանի ճիգերի կիրառումը շարունակվում է:
«Պետք չէ զարմանալ, որ Ռուսաստանը փորձում է սիրաշահել Թուրքիային և Ադրբեջանին ու պետք չէ դրանից խուճապի մատնվել: Ռուսաստանի՝ Թուրքիային սիրաշահելու շարունակական ճիգը նրան Արևմուտքից պոկելու համար է: Արևմուտքը անհանգիստ է, և Ռուսաստանը փորձում է օգտվել այդ առիթից՝ Թուրքիային Արևմուտքից հեռացնելու համար: Դրա համար կարող է ինչ-որ բաներ հայտարարվել Ղարաբաղյան հարցի շուրջ, բայց դա դեռ ոչինչ չի նշանակում»,- լրահգրողների հետ հանդիպման ժամանակ նշեց Մանոյանը:
Նրա խոսքով՝ Ադրբեջանին զսպելու առումով հայկական կողմը ռազմական տեսանկյունից ճիշտ քայլեր արել է, բայց դիվանագիտական տեսնակյունից, շատ կարևոր է ամրագրել, որ ԼՂՀ-ն և ՀՀ-ն պետք է ստորագրեն ռազմաքաղաքական այն պայմանագիրը, որի մասին ապրիլի սկզբին հանրապետության նախագահն է խոսել և հանձնարարել է արտգործնախարարությանը պատրաստել այն:
«Կարծում ենք, որ հիմա է այն պահը՝ ստորագրելու: Դա նաև մեր կողմից կնպաստի ԼՂՀ-ի միջազգային ճանաչման գործընթացին: Անհրաժեշտ է վայրկյան առաջ այդ ռազմաքաղաքական պայմանագիրը ստորագրել, որպեսզի ավելի հեշտ լինի աշխատանք տանել ԼՂՀ միջազգային ճանաչման ուղղությամբ: Պատրանք չունենք, որ վաղը պետությունները կճանաչեն, բայց անհրաժեշտ է, որպեսզի պայմանագրից բխող հարցերի էությունը պարզ դառնան: Այդ ինչպե՞ս է որ ՀՀ զինակոչիկը հայտնվում է Արցախի և Ադրբեջանի շփման գծում, այդ ինչպե՞ս է, որ ԼՂՀ-ում գործածում են նույն ՀՀ անձնագիրը, այս բոլորը բացատրելու համար, անհարժեշտ է այդ պայմանագիրը ստորագրել»,- ասաց Մանոյանը:
Անդրադառնալով ՀՀ երկրոդ նախագահ Ռոբերտ Քոչարյանի՝ ԼՂՀ հարցում ՀՀ իշխանությունների որդեգրած քաղաքականության քննադատությանը՝ Մանոյանը նշեց. «Մադրիդյան սկզբունքներն ընդունվեցին 2007 թ-ի նոյեմբերին, երբ Քոչարյանը նախագահն էր, արտգործնախարարն էլ Օսկանյանն էր: Հիմա հետաքրքիր է, որ այդ մարդիկ, ովքեր այդ փաստաթղթի շուրջ բանակցել են և բանակցություններով ընդունել են սկզբունքները, այսօր ասում են, թե իրավիճակը փոխվել է, կեցվածքը ևս: Բնականաբար, բոլորն էլ իրավունք ունեն իրենց կեցվածքը փոխելու, բայց մեղադրել, որ ներկա իշխանությունն է այսօրվա իրավիճակի պատասխանատուն, կարծում եմ, այդքան էլ ազնիվ չէ»,- ասաց նա:
Ըստ Մանոյանի, իհարկե, երկրորդ նախագահը և իր արտգործնախարարը չեզոք դիրքերից են խոսում և քաղաքական որոշ մոտեցումներ ունեն:
«Պետք է իրենց քաղաքական մոտեցումները որպես կողմ ընդունենք. որ իրենք այս իշխանություններին քննադատում են, բայց տեսնենք, թե, ըստ էության, իրենց ասածների մեջ որն է ճիշտ, որը սխալ»,-ասաց նա:
Կիրո Մանոյանը, սակայն, վստահ է՝ այս իրավիճակը կարելի է հիմնովին փոխել հարմար առիթի դեպքում։
«Կարծում եմ՝ այդ հարմար առիթը կլինեն արդար ընտրությունները եկող տարի՝ խորհրդարանական ընտրությունները։ Այսինքն, երբ ՀՀ-ում արդեն կձևավորվի նոր իշխանություն, այդ նոր իշխանությունը կարող է այս ամբողջը վերտեսության ենթարկել և փորձել նոր ուղղությամբ վերսկսել»,- ասաց նա:
مانويان يؤكد على الإسراع في توقيع اتفاق عسكري سياسي بين جمهورية أرمينيا وجمهورية كاراباخ الجبلية
خلال مؤتمر صحفي تناول رئيس مكتب الشؤون السياسية والقضية الأرمنية لدى المجلس الأعلى التابع لحزب الطاشناك كيرو مانويان التطورات الجارية حول نزاع كاراباخ.
حيث أشار الى الجهود المبذولة من قبل الدول الوسيطة، فقد أثرت تلك الجهود على التقليل من خروقات وقف اطلاق النار من قبل أذربيجان.
وتطرق الى موقف حزب الطاشناك من النزاع، مؤكداً على أن أذربيجان مازالت تستمر في موقفها غير البناء، ومن المحتمل أن تستمر أذربيجان في انتهاك وقف اطلاق النار. كما لفت الى أن الجهود المبذولة حول تحسين العلاقات الروسية التركية مستمرة.
وقال: “من المهم أن نؤكد على الإسراع في توقيع اتفاق عسكري سياسي بين جمهورية أرمينيا وجمهورية كاراباخ الجبلية، وقد قام رئيس الجمهورية بالتوجيه الى تنفيذ ذلك. ونعتقد أنه حان الوقت لتوقيع الاتفاق، فذلك سيسهم في الاعتراف الدولي بجمهورية كاراباخ الجبلية”.
aztagarabic.com