Թեհրան – Երկուշաբթի, հոկտեմբերի 5-ի կէսօրին, թեմիս առաջնորդ Տ. Սեպուհ արք. Սարգսեանը առաջնորդարանի իր գրասենեակում ընդունեց «ՀՈՒՍԿ» հաստատութեան նորընտիր վարչութեանը՝ Հայ Դատի յանձնախմբին:
Սրբազան Հայրը ջերմօրէն ողջունեց յանձնախմբին եւ շնորհաւորեց նրանց եւ յաջողութիւն մաղթեց իրենց նւիրական առաքելութեան մէջ: Այնուհետեւ յանձնախմբի նախագահ՝ Արամ Շահնազարեանը Սրբազան Հօրը ներկայացրեց անդամներին, խնդրելով Սրբազան Հօր օրհնութիւնը:
Սրբազան Հայրը գնահատեց «ՀՈՒՍԿ» հաստատութեան Հայ Դատի յանձնախմբին, որը մեր ժողովրդի պատմութիւնն ու կեանքը մեր իրանցի հայրենակիցներին ծանօթացնելու գործում երախտարժան գործ է կատարում: Սրբազան Հայրը կարեւորութեամբ շեշտեց, որ մենք բոլորս համատեղ կերպով պիտի աշխատենք մեր ժողովրդի Պահանջատիրական Պայքարի ճանապարհին:
