Վաշինգտոնի քաղաքային խորհուրդը Հայոց ցեղասպանության 110-րդ տարելիցին նվիրված միաձայն բանաձև է ընդունել՝ վերահաստատելով ապագա սերունդներին կրթելու կարևորությունը՝ նման վայրագությունների կրկնությունը կանխելու համար. տեղեկանում ենք Ամերիկայի հայ դատի հանձնախմբի (ANCA) հայտարարությունից։
«Մենք մեր խորին շնորհակալությունն ենք հայտնում Կոլումբիայի շրջանի քաղաքային խորհրդի անդամ Չարլզ Ալենին՝ այս նախաձեռնությունը ղեկավարելու, և Կոլումբիա շրջանի ամբողջ քաղաքային խորհրդին՝ այն միաձայն ընդունման համար: Սա ևս մեկ օրինակ է, որ Կոլումբիայի շրջանը պատմության ճիշտ կողմում է: Որպես մարդու իրավունքները հարգող համաշխարհային քաղաք, մենք պետք է շարունակենք ճանաչել ցեղասպանությունը և ապահովել, որ այն պատշաճ կերպով դասավանդվի մեր հանրային դպրոցներում: Ահա թե ինչու մենք նախաձեռնություն ենք սկսել՝ ապահովելու համար, որ Կրթության պետական վերահսկիչի գրասենյակը լուրջ վերաբերվի Հայոց ցեղասպանության լուսավորմանը», -հայտարարել է Կոլումբիա շրջանի հարևանության հարցերով խորհրդատվական հանձնաժողովի (ANC) նախագահ Մեթյու Ջիրարդին: Կոլումբիայի շրջանի հարևանության հարցերով խորհրդատվական հանձնաժողովն հանրային տագնապ է հայտարարել՝ կոչ անելով Կրթության պետական վերահսկիչի գրասենյակին (OSSE) ապահովել ցեղասպանության վերաբերյալ ամուր և ներառական կրթություն Կոլումբիա շրջանի հանրային դպրոցներում, ներառյալ 1915 թվականի Հայոց ցեղասպանության և 2023 թվականի Արցախի ցեղասպանության նյութերի վերաբերյալ։
Ամբողջական հոդվածը կարող եք կարդալ այս հասցեով՝ https://www.aravot.am/2025/05/07/1486079/
© 1998 – 2025 Առավոտ – Լուրեր Հայաստանից