Լիբանանի մէջ Միացեալ Նահանգներու դեսպանատան դիմատետրեան էջին վրայ երէկ տեղ յատկացուեցաւ Հայոց ցեղասպանութեան 107-ամեակի անդրադարձին:
Պէյրութի ամերիկեան դեսպանատան կողմէ կայքին վրայ տեղադրուեցան Միացեալ Նահանգներու դեսպան Տորըթի Շիայի գրառումն ու լուսանկարները` եւ ձեռքերուն մէջ Հայոց ցեղասպանութեան 100-ամեակի խորհրդանիշ անմոռուկը:
![](https://i0.wp.com/www.ancnews.info/wp-content/uploads/2022/04/Shea2_42422.jpg?resize=640%2C426&ssl=1)
Շիայի կողմէ Հայոց ցեղասպանութեան նշումին արձագանգումը եղաւ հետեւեալ գրառումով. «107 տարի առաջ, 24 ապրիլ 1915-ին, օսմանեան իշխանութիւնները Պոլսոյ մէջ սկսան ձերբակալել հայ մտաւորականներն ու ղեկավարները: Մէկ տարուան ընթացքին օսմանեան իշխանութիւնները բռնագաղթի ենթարկեցին հայ բնակչութիւնը եւ սպաննեցին մէկուկէս միլիոն հայեր: Այդ սպանդը Միացեալ Նահանգներու նախագահ Ճօ Պայտընի կողմէ կոչուեցաւ հաւաքական ցեղասպանութիւն… Հայոց ողբերգական պատմութիւնը յիշելով հանդերձ, մենք կ՛ողջունենք նաեւ անոնց ունեցած ներդրումը` ո՛չ միայն մեր զոյգ երկիրներուն մէջ, այլ նաեւ որեւէ տեղ, ուր հայկական սփիւռք գոյութիւն ունի»: