(news.am) Եթե Իսրայելը բարեկամական հարաբերություններ է ուզում Հայաստանի հետ, պետք է բացահայտի ճշմարտությունն ու պատասխանատուներին: NEWS.am-ի թղթակցի հետ զրույցում նման կարծիք հայտնեց Հայ Դատի Երուսաղեմի հանձնախմբի ատենապետ Հակոբ Սեւանը՝ անդրադառնալով իսրայելական մամուլի տեղեկություններին, թե Ադրբեջանն իսրայելական ընկերությանը խնդրել է ցուցադրել հարվածային անօդաչուի հնարավորությունները հայ զինվորականների դեմ:
«Պետք է նկատի ունենանք, որ ապրիլյան պատերազմի օրերին Իսրայելի հայկական համայնքը բողոքի ցույցեր եւ նոտաներ էր հղել Իսրայելի արտաքին գործերի նախարարությանը՝ բողոքելով իսրայելական մեղսակցության, զենքի վաճառքի եւ այն բանի դեմ, որ իսրայելցի մասնագետներն Ադրբեջանում են՝ օգնելու նրանց բանակին: եվ այսօր այս սկանդալն ապացուցում է, որ ինչ-որ իրականություն կա, որ Իսրայելը մասնակից է Արցախի դեմ Ադրբեջանի վարած քաղաքականությանը եւ թշնամական արարքներին»,- ասաց Հակոբ Սեւանը:
Հայ դատի հանձնախմբի ատենապետի կարծիքով, եթե Իսրայելն իսկապես ուզում է բարիդրացիական հարաբերություններ Հայաստանի հետ, անպայման պետք է բացահայտի հանցագործներին: Թե ով է բողոքը ներկայացրել Իսրայելի պաշտպանության նախարարություն, դեռեւս հայտնի չէ:
Ավելի վաղ իսրայելական Maariv պարբերականը հայտնել էր, որ իսրայելական Aeronautics Defense Systems-ի մասնագետների թիմը Ադրբեջան է ժամանել՝ ավարտելու Orbiter 1K անօդաչուի վաճառքի գործարքը: Այնտեղ ընկերության նորկայացուցիչներին խնդրել են հարվածել դիրքերին: Պարբերականի տեղեկություններով՝ անօդաչուն շահագործող 2 իսրայելցիները հրաժարվել են: Դրանից հետո ընկերության բարձրաստիճան ներկայացուցիչներն են սկսել անօդաչուն կառավարել, սակայն վերջնարդյունքում իրենց նպատակներին չեն հասել: Իսրայելի Պաշտպանության նախարարությունից հայտարարել են, որ չնայած «Պաշտպանության նախարարությունը, որպես կանոն, չի մեկնաբանում ռազմական արտահանման հետ կապված հարցերը, նախարարությունում համապատասխան կողմերը բողոքը քննարկում են»:
Aeronautics Defense Systems ընկերությունը կտրականապես հերքել է տեղեկությունները: Ընկերությունց հայտնել են, որ իրենք երբեք կրակի կենդանի թեստավորում չեն կատարում, իսկ անօդաչուի կառավարմամբ զբաղվում է գնորդը, եւ հենց գնորդն է կրում հետագայում տեղի ունեցողի պատասխանատվությունը:
ANC Jerusalem: Drone scandal proves that Israel is involved in hostile actions against Karabakh
(news.am) If Israel wants to have friendly relations with Armenia, it should disclose the truth and those responsible.
Chairman of the Armenian National Committee of Jerusalem, Hakob Sevan, told the aforementioned to Armenian News – NEWS.am, referring to the information disseminated by the Israeli media on that Azerbaijan asked the Israeli company to demonstrate the capacities of drones on Armenian targets.
“We should consider that during the days of April War, the Armenian community of Israel staged rallies and delivered a protest to the Israeli MFA, protesting Israeli culpability, sale of weapons and the fact that Israeli specialists were in Azerbaijan to help their army. And this scandal proves that this is to some extent true and that Israel takes part in the policy and hostile actions carried out by Azerbaijan against Artsakh,” Hakob Sevan noted.
According to him, if Israel indeed wants to have good-neighborly relations with Armenia, it should find the criminals by all means. It is yet unknown who submitted the complaint to the Israeli Defense Ministry.
Earlier, Israeli periodical Maariv reported that the team of Israeli Aeronautics Defense Systems specialists arrived in Azerbaijan to complete the deal on the sale of Orbiter 1K drone. There the company representatives were asked to strike the positions. According to the periodical, two Israelis operating the drone refused to do that. Afterwards the high-ranking representatives of the company started flying the drone but did not achieve their goal. The Israeli Defense Ministry stated that although “The Defense Ministry, as a rule, doesn’t comment on issues related to the military export, but the respective parties are considering the complaint.”
Aeronautics Defense Systems has categorically refuted the aforementioned information. The company informed that they never test their equipment on living targets, while the purchaser deals with flying the drone. Exactly the latter bears the responsibility for the future actions.
Թել Ավիվը հետաքննում է հայկական դիրքերը հարվածելու գործում իսրայելցի մասնագետների մասնակցության մասին հաղորդումը
(azatutyun.am, օգոստոսի 14) Հայ դատի Երուսաղեմի հանձնախմբի ատենապետ Հակոբ Սևանը Հայաստանի նկատմամբ «թշնամական արարք» է որակում իսրայելական ընկերության գործողությունները:
Իսրայելում լույս տեսնող Haaretz պարբերականը նախօրեին հրապարակել է հոդված՝ «Իսրայելական կամիկաձե դրոնների արտադրողը փորձարկում է իրականացրել հայկական դիրքերի ուղղությամբ» վերնագրով: Հրապարակման մեջ նշվում է, որ Իսրայելի պաշտպանության նախարարությունը պաշտոնապես քննում է Ադրբեջանին հարվածային անօդաչու թռչող սարքեր մատակարարող Aeronautics Defence System ընկերության գործողությունները:
Haaretz-ի պնդմամբ՝ ընկերության աշխատակիցները Բաքու կատարած այցի ընթացքում Orbiter 1K հարվածային անօդաչու սարքերի կարողություններն ադրբեջանական կողմին ցուցադրել են հայկական դիրքերի դեմ իրականացված հարվածի միջոցով:
Վկայակոչելով իսրայելական Maariv թերթի հրապարակումը, Haaretz-ի թղթակիցը գրել է՝ երբ Ադրբեջանը, հանդես գալով որպես զենքի պատվիրատու, պահանջել է մինչև դրոնների գնման պայմանագրի ստորագրումը ցուցադրել դրոնի աշխատանքը մարտական պայմաններում, իսրայելցի երկու օպերատորները հրաժարվել են կատարել այդ պահանջը: Դրանից հետո Aeronautics Defence System-ի մենեջերը՝ ցանկանալով բավարարել գնորդի պահանջը, ինքն է փորձել աշխատեցնել դրոնները: Սակայն դրանք, ըստ աղբյուրի, որևէ վնաս չեն հասցրել․ դրանցից միայն մեկն է մոտեցել հայկական դիրքերին և ընկել մոտ 100 մետր հեռավորության վրա:
Իսրայելական ընկերությունը կտրականապես հերքում է այս տեղեկությունը: «Մենք երբեք դրոնների փորձարկումներ չենք իրականացնում կենդանի թիրախների վրա, դա վերաբերում է նաև այս դեպքին»,- ասված է Aeronautics Defence System ընկերության հայտարարությունում: Ընկերության կայքում նաև նշված է, որ Orbiter 1K դրոնը կրում է մեկ կամ երկու կիլոգրամանոց հատուկ տեսակի պայթուցիկ նյութ:
«Ազատության» խնդրանքով մեկնաբանելով այս հրապարակումները, Իսրայելի պաշտպանության նախարարության մամլո ծառայությունից հաղորդեցին․ «Որպես կանոն, Իսրայելի պաշտպանության նախարարությունը չի մեկնաբանում Իսրայելի պաշտպանության ոլորտին վերաբերող հրապարակումները: Այդ հրապարակման կապակցությամբ հետաքննություն է սկսել ՊՆ համապատասխան ծառայությունը»:
Իսրայելում Հայաստանի Հանրապետության պատվո հյուպատս Ցոլակ Մոմջյանը հեռախոսով «Ազատությանը» փոխանցեց, որ տեղյակ է դրոններին առնչվող հրապարակումներին, դրանց տեղյակ է նաև Հայաստանի արտգործնախարարությունը: Մոմջյանի խոսքով՝ Իսրայելի հայկական համայնքում ուշադրությամբ հետևում են այս զարգացումներին:
Հայ դատի Երուսաղեմի հանձնախմբի ատենապետ Հակոբ Սևան ասում է․ «Պետք է ներքին հետաքննություն անցկացնեն և որոշումների գան: Ոճրագործություն է ուղղակի Իսրայելի կողմից այսպիսի միջոցներով իրենց զենքերը փորձարկելը: Եվ մենք ապրիլյան պատերազմից հետո էլ, դրանից առաջ էլ մի քանի անգամ մեր բողոքը ներկայացրել ենք, որ Իսրայելը պետք է իր զինվորական մասնագետներին ետ քաշի Ադրբեջանից»: Նրա խոսքով, սա իհարկե Իսրայելի կողմից պատերազմին բացահայտ մասնակցություն չէ, սակայն, տեղի ունեցածը Հայաստանի նկատմամբ «թշնամական արարք է»: