COMMUNIQUE DE PRESSE – Elections des 11 et 18 juin – BRAVO A TOUS LES DEPUTES ELUS

Bravo a ceux que le CDCA avaient soutenus Valérie Boyer (LR, Bouches-du-Rhône), Marine Brenier (LR, Alpes Maritimes), Luc Carvounas (PS, Val de Marne), Françoise Dumas (LREM, Gard), Nadia Essayan (LREM, Cher), Guillaume Kasparian (LREM, Eure et Loire), François Michel Lambert (LREM, Bouches du Rhone), François Pupponi (PS, Val d’Oise), Guy Tessier (LR, Bouches-du Rhône).

Un grand bravo et un immense bonheur de voir Daniele Cazarian (LREM, Rhone) élue.

Un salut amical a Jacques Marilossian pour son élection dans les Hauts de Seine.

Une grande pensée d’amitié et des regrets profonds pour tous ce qu’ils ont apporté à François Rochebloine (UDI, Loire) et Najat Vallaud-Belkacem (PS, Rhone) battus ce soir.

Չորս Հայ Երեսփոխաններ՝ Ֆրանսայի Ազգային Ժողովէն Ներս

(ՀԱՅՐԵՆԻՔ ՇԱԲԱԹԱԹԵՐԹ) ՓԱՐԻԶ.- Կիրակի, Յունիս 18-ին տեղի ունեցաւ Ֆրանսայի Խորհրդարանական ընտրութիւններու Բ. շրջանը: Ակնկալուածին նման, նախագահ Մաքրոնի «Ընթացող Հանրապետութիւն»ը (La Republique en Marche! – LREM) տարաւ ջախջախիչ յաղթանակ:
Հինգ հայ թեկնածուներէն չորսը ընտրուեցան:
Միակ պարտուողն էր Պիւշ-տիւ-Ռոնի մէջ Փասքալ Շամասեան, որ հակառակ առաջին շրջանի իր լայն առաւելութեան, պարտուեցաւ հանրապետական Վալերի Պուայէէն, որ բազմիցս Հայաստան այցելած եւ ի նպաստ Հայ Դատին պայքարած երեսփոխան մըն է:
Հօ-տը-Սէնի մէջ «Ընթացող Հանրապետութիւն»ի թեկնածու Ժագ Մարիլոսեան ձայներու 57,81%-ով յաղթական դուրս եկաւ հանրապետական Էրիք Պարտոաթիի դէմ:
Ռոնի մէջ Տանիէլ Ղազարեան («Ընթացող Հանրապետութիւն») 52,35%-ի տարբերութեամբ պարտութեան մատնեց հանրապետական Ֆիլիփ Մէօնիէն, որ Ռոնի շրջանային խորհուրդի փոխնախագահն է: Իսկ Շէրի մէջ Նատիա Եսայեան Դեմոկրատական Կուսակցութիւն) 52,57% տարբերութեամբ գերազանցեց համայնավար Նիքոլա Սանսիւն:
Վերջապէս, Էօռ եւ Լուառի մէջ Կիյոմ Գասպարեան («Ընթացող Հանրապետութիւն») 55,18% քուէները ապահովելով յաղթեց հանրապետական Ֆրանք Մասելիւսի:
Հայ դատի յանձնախումբի զօրակցած թեկնածուներէն ընտրուեցան Մարին Պրընիէ (հանրապետական, Ծովային Ալպեաններ), Լիւք Քարվունաս (ընկերվարական, Վալ-տը-Մառն), Ֆրանսուազ Տիւմա («Ընթացող Հանրապետութիւն», Կառ), Ֆրանսուա Միշէլ Լամպէռ («Ընթացող Հանրապետութիւն», Պիւշ-տիւ-Ռոն), Ֆրանսուա Փիւփոնի (ընկերվարական, Վալ-տ՚ Ուազ), Կի Թեսիէ (հանրապետական, Պուշ-տիւ-Ռոն):